Ապրիլի 19-ին Լոռու մարզի Չկալով համայնքի բնակիչը իր բակում աշխատանքներ կատարելիս փոսից հայտնաբերել և դուրս է բերել խեցեղեն՝ փոքրիկ կավանոթներ, նաև տարածքից գտնվել է բրոնզե մանկական ապարանջան։ Աշխատանքները դադարեցվել են , և արդեն տեղում սկսել են աշխատանքներ կատարել հնագետները։
![](https://ranking.am/wp-content/uploads/2023/04/photo_2023-04-24-00.19.22.jpeg)
![](https://ranking.am/wp-content/uploads/2023/04/photo_2023-04-24-00.19.15.jpeg)
Ըստ նախնական տվյալների գտնված փոսը բրոնզե-վաղ երկաթի դարաշրջանի դամբարան է, ենթադրյալ երեխայի գերեզման։ Այդ շրջանում գերեզմանները լինում էին հյուսիս-հարավ դիրքով, հանգուցյալի հետ էլ դնում էին սնունդ կավանոթներով։ Կա վարկած , որ դա երեխայի է՝ դատելով գերեզմանի, ապարանջանի և կավանոթների չափը։ Վերջնական եզրակացություն կտրվի պեղման աշխատանքներից և նյութերի փորձաքննության ավարտից հետո։