Ranking.am-ը խոսել է 44-օրյա պատերազմի մասնակից, գերեվարված, գերությունից վերադարձած, հաղորդավար և պարող՝ Ենոք Ավետիսյանի հետ։
Ենոք Ավետիսյանը Արմավիրի մարզի Երվանդաշատ համայնքից է։ 44-օրյա պատերազմի ժամանակ, հոկտեմբերի 24-ին, գերի է ընկել եւ մինչեւ դեկտեմբերի 28-ը մնացել Բաքվի բանտում։
![](https://ranking.am/wp-content/uploads/2023/08/Screenshot_20230827_221718_Instagram-831x1024.jpg)
![](https://ranking.am/wp-content/uploads/2023/08/Screenshot_20230827_221727_Instagram-832x1024.jpg)
Ենոք դու հանրությանը ծանոթ ես 44-օրյա պատերազմից հետո: Հասարակության կողմից ինչպիսի՞ արձագանքի ես հանդիպել և ինչպե՞ս ես վերաբերվել այդ խոսակցություներին:
– Կարծիքներ լինում են թե լավ թե վատ, բայց ես միայն լավն եմ կարևորում:
Ինչո՞ւ ընտրեցիր հենց հաղորդավարի մասնագիտությունը:
– Փոքր ժամանակ ցանկություն ունեի այդ ոլորտի մեջ խորանայի, հիմա մանկության ցանկությունն եմ իրականացնում:
Ենոք, ինչպե՞ս սկսեցիր առաջին քայլերդ հաղորդավարության ասպարեզում։
– Արդեն սովորել և ավարտել եմ, առաջին քայլս ընդունվելն էր, հետո մնացած քայլերն եմ անում։ Կարևորը՝ ինքնուրույն:
Ձգտո՞ւմ ես եթեր դուրս գալ։
– Առայժմ ո՛չ, բայց շուտով:
![](https://ranking.am/wp-content/uploads/2023/08/IMG_20230827_221802_942-819x1024.jpg)
![](https://ranking.am/wp-content/uploads/2023/08/IMG_20230827_221805_903-819x1024.jpg)
Տեղյակ եմ, որ նաև պարարվեստով ես զբաղվում: Ենոք, ընտանիքումդ արվեստագետններ կա՞ն։ Ի՞նչը տարավ քեզ դեպի պարարվեստ։
– Ոչ, չկան: Մանկության իմ որոշումներից էր, որը առաջինն եղավ իրականացնելու առումով, 10 տարեկանից սկսած, ու հիմա դրական եմ գնահատում իմ որոշումը:
Ի՞նչ ազդեցություն է ունեցել քեզ վրա պարը։
– Ազգայինը միշտ էլ ոգեշնչել է, ցանկացած վայրում և ժամանակահատվածում ուժ է տվել ու անկոտրուն կամք:
Որքանո՞վ է պարը քեզ համար ինքնաարտահայտման միջոց։
– Ռազմական ոգին, ուժը, ու հայրենասիրությունը իր մեջ կրող մեր պարերը պարելիս արտահայտում ենք ինքներս մեզ, մեր մեջ եղած ողջ էներգիան:
Ինչպե՞ս ես պատկերացնում պարողի և հաղորդավարի աշխատանքների համատեղումը։
– Շատ հետաքրքիր ու դրական բան կստացվի իմ պատկերացմամբ։ Ինչու՞ չէ, պարելուց բացի նաև կներկայացնեմ տվյալ պարի ստեղծումն ու պահպանումը, երկուսը միասին հեշտ կհամատեղվի:
![](https://ranking.am/wp-content/uploads/2023/08/IMG_20230827_221810_885-819x1024.jpg)
![](https://ranking.am/wp-content/uploads/2023/08/IMG_20230827_221814_540.jpg)
Ենոք քեզ համար ոգեշնչման աղբյուրը ո՞վ կամ ինչը կարող է լինել:
– Ոգեշնչման աղբույր չունեմ:
Ո՞րն է հաջողության քո բանաձևը։️
– Դժվարությունները հաղթահարելը, ու առաջ շարժվելը:
Ո՞րն է քո բնավորության ամենաբնութագրական գիծը։
– Հանգստությունը։
Ի՞նչ նորություններով կներկայանաս առաջիկայում։
– Նորություններն իմ մոտ միանգամից են լինում, որ ինքս էլ չէմ հասցնում իմանալ դրանց մասին, այնպես որ սպասենք:
Հարցազրուցավար՝ Մարիամ Ավետիսյան
Նկարները՝ Ենոք Ավետիսյանի անձնական արխիվից