«4 երազանք»-ում իր կերպարի, մոդելինգով զբաղվելու և առաջին աշխատավարձի մասին խոսել ենք թատրոնի և կինոյի դերասանուհի՝ Մելսիդա Հակոբյանի հետ։
Մելսիդա ինչո՞ւ եք ընտրել հենց այս մասնագիտությունը: Ընտանիքիդ անդամներն ինչպե՞ս արձագանքեցին Ձեր դերասանուհի դառնալու որոշմանը։
Ծնողներս դերասաններ են: Հայրս՝ դերասան, ՀՀ վաստակավոր արտիստ Ռոբերտ Հակոբյան է, իսկ մայրս՝ դերասանուհի Լիլիթ Աբելյան է ու կարելի է ասել մեծացել եմ թատրոնի կուլիսներում ու նկարահանման հրապարակում, ու երբեք չեմ մտածել այլ մասնագիտություն ընտրելու մասին: Ծնողներիս համար ամենակարևորը այն է, որ զբաղվեմ իմ սիրելի գործով:
![](https://ranking.am/wp-content/uploads/2023/05/2023-05-04-23.53.54-1.jpg)
![](https://ranking.am/wp-content/uploads/2023/05/FB_IMG_1683222587336-1.jpg)
![](https://ranking.am/wp-content/uploads/2023/05/2023-05-05-00.00.56.jpg)
![](https://ranking.am/wp-content/uploads/2023/05/FB_IMG_1683222573711-1.jpg)
Երիտասարդների մեծ մասը երբ ընդունվում է թատերական ինստիտուտ երազում է հայտնի դառնալ: Դուք երազե՞լ եք այդ մասին։
Ոչ թե երազել եմ այլ նպատակ եմ ունեցել կայանալ իմ գործում ու լավ մասնագետ լինել:
Կհիշե՞ք՝ երբ առաջին անգամ բեմ բարձրացաք։ Ի՞նչ դեր էր:
Ամանորյա հեքիաթների մեջ եմ եղել զբաղված 13 տարեկանից:
![](https://ranking.am/wp-content/uploads/2023/05/Screenshot_20230504-214351_Instagram.jpg)
![](https://ranking.am/wp-content/uploads/2023/05/Screenshot_20230504-214401_Instagram.jpg)
Մելսիդա խաղում եք նաև մանկական ներկայացումներում։ Ի՞նչ զգացողություններ ունեք երբ գիտեք հանդիսատեսը երեխաներ են:
Ավելի պատասխանատու է երեխաների համար խաղալ:
Մելսիդա ունեք հետաքրքիր և տարբերվող արտաքին: Դուք աշխատե՞լ եք երբևէ, որպես մոդել։
Մեկ-մեկ աշխատում եմ եթե հետաքրքիր առաջարկ եմ ստանում:
![](https://ranking.am/wp-content/uploads/2023/05/Screenshot_20230504-214430_Instagram-1.jpg)
![](https://ranking.am/wp-content/uploads/2023/05/2023-05-05-00.07.12.jpg)
Որքա՞ն է եղել Ձեր առաջին աշխատավարձը և այդ ժամանակ քա՞նի տարեկան էիք:
13 տարեկանում մանկական ներկայացման համար 100.000 դր:
Մինչև բուն մասնագիտությամբ զբաղվելը ի՞նչ աշխատանքներ եք կատարել:
Սովորել եմ ու շա՜տ: Զբաղվել եմ միայն մասնագիտական գործով:
Ինչպե՞ս ստացվեց Ձեր մուտքը հեռուստատեսություն:
Գնացի քասթինգի հերթական անգամ, հաստատվեցի ու սկսեցի աշխատել:
Ձեր առաջին դերը եղավ «բռնիր ձեռքս» հեռուստասերիալում: Ինչպե՞ս սկսեցիք համագործակցել Աշոտ Տեր-Մաթևոսյանի հետ:
Աշոտ Տեր-Մաթևոսյանի մոտ գնացի քասթինգի հաստատվեցի: Ու շատ ուրախ եմ, որ առիթ ունեցա աշխատելու այդ խմբի հետ:
Մելսիդա հիմա նկարահանվում եք «4 երազանք» հեռուստասերիալում: Ինչպե՞ս ստացաք առաջարկ նկարահանվելու:
Զանգահարեցին, հրավիրեցին քասթինգի և հաստատվեցի, քննարկեցինք կերպարը ու սկսեցինք աշխատել:
Սերիալում կերպարանավորում եք Արևիկինն։ Կա՞ նմանություն Մելսիդայի և Արևիկի միջև։
Ունեմ նմանություն Փոքր Արևիկի` Մարթայի, հետ ու հիմնականում ժեստիկուլացիայով:
Ինչպե՞ս հեռուստադիտողը ընդունեց կերպարը։
Ինձ թվում է լավ:
![](https://ranking.am/wp-content/uploads/2023/05/Screenshot_20230504-214418_Instagram.jpg)
![](https://ranking.am/wp-content/uploads/2023/05/Screenshot_20230504-215805_Instagram.jpg)
Նկարահանումներից դուրս ի՞նչ հարաբերություներ ունեք խաղընկերների հետ:
Անբացատրելի կերպով շատ արագ մտերմացանք ու մեր ընդհանուր չատի անունը հենց՝ «անբացատրելի մտերիմներ» է: Այս նախագծի իմ ամենամեծ ձեքբերումը իրենք են ու շատ ուրախ եմ, որ աշխատել եմ նման հետաքրքիր մարդկանց հետ:
Առաջիկայի համար ի՞նչ ծրագրեր ունեք։
Շատ շուտով կիմանաք:
Մելսիդա խորհուրդ ,որ կտաք ապագա դերասան, դերասանուհիներին:
Խորհուրդ կտամ չհանձնվեն ու սպասեն: Ամեն մեկս հայտնվում ենք ճիշտ պահին ճիշտ տեղում:
Հարցազրուցավար՝ Մարիամ Ավետիսյան
Նկարները վերցված են Մելսիդա Հակոբյանի սոցիալական ցանցերից՝ melsidakobyan