Հարցազրույց ՝ յոգայի ուսուցիչ , հեռուստալրագրող և «Սատտվա Յոգա Ստուդիոյի» հիմնադիր Նարինե Բաղդասարյանի հետ
Կպատմե՞ք, ինչպես որոշեցիք դառնալ բուսակեր։
Ես բուսակեր եմ դարձել 16 տարեկանից, երբ առաջին անգամ հանդիպեցի յոգայի ուսուցչիս: Հենց այդ ժամանակ էլ դարձա և մինչ օրս շարունակում եմ մնալ բուսակեր:
Արդյո՞ք օգտակար է յոգայով զբաղվելը: Խորհուրդ կտա՞ք յոգայով զբաղվել:
Յոգայով զբաղվելը շատ օգտակար է, և միանշանակ խորհուրդ կտամ, քանի որ դա բժշկություն է, և ՝ ասանաները և ՝ շնչառական պրակտիկաները, և՛ մեդիտացիան գլոբալ առումով կարող են փոխել մարդու կյանքի որակը։ Հիմնականում մարդիկ, ովքեր սկսում են յոգայով զբաղվել, հոգեպես պատրաստված են լինում, քանի որ յոգան միայն մարմնի վարժություն չէ և շնչառական վարժությունները յոգայի միայն մի փոքրիկ հատվածն են կազմում: Յոգան ավելի գլոբալ գիտություն է, իսկ յոգայի բուն նպատակն ինքնագիտակցումն է, ինքնաճանաչումը, ինքնակատարելագործումը: Հիմնական նպատակն այն է, որ անձը հասնի մարդկային էվոլուցիոն զարգացան գագաթնակետին:
Ինչպե՞ս եք վերաբերվում այն մտքին , երբ ասում են՝յոգան սատանիզմ է:
Յոգան սատանիզմ են անվանում այն մարդիկ, ովքեր ինֆորմացված չեն, թե ինչ է այն, և հետևաբար իրավունք են վերապահում յոգան սատանիզմ անվանել:
Ի՞նչ մասնագիտություն ունեք, ինչո՞վ եք սիրում զբաղվել ազատ ժամանակ:
Մասնագիտությամբ հեռուստալրագրող եմ: Ազատ ժամանակ չեմ ունենում, դրա համար էլ չգիտեմ ինչով եմ սիրում զբաղվել: Եթե անգամ ազատ ժամանակ եմ ունենում, սիրում եմ անցկացնել սարերում,անտառներում,լեռներում:
Ըստ Ձեզ, ո՞րն է առողջ լինելու գրավականը:
Առողջ լինելու գրավականը սեփական մտքերի վրա աշխատելն ու մաքրելն է, որովհետև մարդը կարող է սնվել առողջ, ամեն օր խմել դդմի կամ գազարի հյութ, բայց ունենալ շատ բացասական մտքեր: Այդ պարագայում մարդը չի կարող առողջ լինել, որովհետև մեր առողջությունը սկսվում է մեր առողջ մտքերից: Մարդուն չես կարող ասել սկսիր մտածել առողջ կամ ճիշտ, որովհետև դա ճանապարհ է, և միտքն էլ է հիմք: Եթե մարդ չունի դրա կառույցի՝այսինքն մտքի մասին գիտելիք, թե դա ինչից է կազմված, բնականաբար նա չի կարող գիտակցել, թե դա ինչպես է պետք կառավարել, և հենց այս ամենը յոգայի միջոցով կարելի է սովորել։
Որքանով որ տեղյակ եմ, դուք առողջ ապրելակերպով եք զբաղում: Կնշե՞ք երեք բան, որոնք անհրաժեշտ են առողջ ապրելակերպով զբաղվելու համար:
Առողջ ապրելակերպով զբաղվելու համար շատ կարևոր բաներ կան, բայց ամենակարևորը ճիշտ մտածելն է, ճիշտ սնվելն ու ռեժիմով քնելը։
Ձեզ համարու՞մ եք երջանիկ մարդ:
Ընդհանուր առմամբ, այո , ես ինձ համարում եմ երջանիկ մարդ, որովհետև իմ երջանկության չափանիշները արտաքին աշխարհում չեն, այլ իմ ներսում: Իսկ ես իմ ներսում գտել եմ իմ ինքնառեալիզացիան, և գտել եմ այն ճանապարհը, որով ուղղում եմ իմ էներգիան ճշգրիտ կետերի վրա և այդ իսկ պատճառով, համարում եմ ինձ երջանիկ մարդ:
Ի՞նչ խորհուրդ կտաք երիտասարդներին: Արդյո՞ք այսօրվա երիտասարդները առողջ կյանք են վարում:
Այսօրվա երիտասարդությունը, եթե նայենք առողջական տեսանկյունից շատ վատ կյանք է վարում: Ես հաճախ եմ տեսնում, որ վատ են սնվում և բավականին ուշ են քնում: Վաղ թե ուշ ցանկացած ուշ քնող մարդ, ով քնում է ժամը մեկից ուշ, ունենալու է առողջական խնդիրներ: Եվ այսօր, երբ երիտասարդների հետ կոնսուլտացիա եմ անցկացնում, 15-16 տարեկանոմ արդեն ունեն վահանաձև գեղձի խնդիր, սննդի մասին էլ չխոսեմ: Արագ սննդի կետերը, հավի թևիկները, գազավորված ըմպելիքները, չիպսերի մասին էլ չեմ էլ ուզում խոսել իհարկե, մեր երիտասարդները այս առումով շատ վատ վիճակում են գտնվում, և պետք է ճիշտ խորհուրդներ տալ նրանց: Պետք է լինեն ճիշտ մեթոդներ կամ ուսուցողական հաղորդումներ, որոնք կկարղանան երիտասարդներին ներգրավել այս ամենի՝այսինքն առողջ ապրելակերպի մեջ: Ես ինչ կարողանում,անում եմ և շատերին ներգրավել եմ այս ապրելակերպի մեջ, բայց դա շատ քիչ է, շատ ավելի մասշտաբային մոտեցում է պետք:
Եվ վերջին հարցը՝ ի՞նչն է Ձեզ ոգեշնչում:
Արևն ու լուսաբացներն իմ ոգեշնչումն են։ Ես այդ երկուսից եմ ոգեշնչվում: Ճիշտ է՝ ձմռանը մի փոքր դժվար է լինում ոգեշնչվելը: Չնայած ես գնահատում եմ տարվա բոլոր եղանակները, բայց ձմռանը ցրտից դժվար եմ ոգեշնչվում, այդ իսկ պատճառով սիրում եմ արևն ու լուսաբացները: Երբ արևը ծագում է, ինձ թվում է՝ ես ընդունակ եմ ամեն լավ բանի և ես ճիշտ եմ, քանի որ մարդկային հնարավորությունները անսահմանափակ են: Եթե դու իրոք հավատում ես քո ուժերին, դու կարող ես հասնել քո ուզածին:
Հարցազրուցավար՝ Մանե Կարապետյան
Խմբագիրներ՝ Սաթենիկ Մելոյան , Միլենա Փիրումյան , Լիլիթ Մանուկյան
Նկարները վերցված են ՝ Նարինե Բաղդասարյանի ֆեյսբուքյան էջից