Հարցազրույց՝ սոցիալ մեդիա մարքեթինգի մասնագետ Շողիկ Վարդանյանի հետ։
Շողիկ մի փոքր պատմեք Ձեր մասին ու թե ինչպե՞ս ստացվեց, որ ընտրեցիք մարքեթինգը:
Մասնագիտությամբ քաղաքագետ եմ, բայց դեռ ուսանող տարիներին հասկացա, որ այդ ճանապարհով չեմ գնալու: Առաջին աշխատանքս լրագրության ոլորտում էր, որտեղ բազմաթիվ նոր մարդկանց հետ ծանոթացա, սկսեցի նոր բաներ փորձարկել. մուլտիմեդիա լրագրություն, քոնթենթի ստեղծում, կոմունիկացիաներ ։ Մի քանի տարի տարբեր ընկերություններում համատեղելով PR մենեջերի, ՍՄՄ մասնագետի և քոնթենթի ստեղծողի աշխատանքները՝ որոշեցի ուղղությունս վերցնեմ դեպի մարքեթինգ:
Ի՞նչ խնդիրներ է լուծում մարքեթինգ-ը:
Մարքեթոլոգը այն մարդն է, որ ուսումնասիրում է շուկան, հասկանում՝ ինչ խնդիրներ ունի թիրախը և ինչպես պրոդուկտը կարող է լուծել դրանք:
Ինչպե՞ս միտք եղավ սեփական բլոգ վարելու, իսկ հետագայում դասընթացներ:
Ուսումնասիրեցի հայալեզու քոնթենթը ու հասկացա, որ պրակտիկորեն չկա ՍՄՄ-ի մասին ոչ մի հայերեն բլոգ: Դասընթացների մասին նույնպես դեռ խոսք չկար: Որոշեցի լրացնել բացը:
![](https://ranking.am/wp-content/uploads/2023/05/Screenshot_20230519-233934_Instagram.jpg)
![](https://ranking.am/wp-content/uploads/2023/05/Screenshot_20230519-233916_Instagram.jpg)
Քանի՞ տարեկանից է ճիշտ սովորել մարքեթինգ:
Չեմ կարծում կա որևէ մեկ «ճիշտ» տարիք: Կարելի է և դեռահաս տարիքից սկսել, և 30-ից հետո։
Ի՞նչ խորհուրդ կտաք այն մարդկանց ովքեր ցանկանում են սովորել մարքեթինգ:
Սկսել կարդալ բլոգներ, նայել յութուբյան մասնագիտական ալիքներ, որոշել, որ իսկապես դա ձերն է: Հետո ընտրել բուհ-ը կամ դասընթացը:
Շողիկ շատերը վախենում են դիմել մարքեթինգային թիմի: Ըստ ձեզ ինչո՞ւ է այդպես:
Հավանաբար պատճառը սեփական ուժերի վրա վստահ չլինելն է: Բայց պետք է հիշել, որ եթե չփորձես, հաստատ չի ստացվի:
Ի՞նչ բարդությունների եք հանդիպել աշխատանքում։
Հիմնական խնդիրները Հայաստանի շուկայի թույլ զարգացած լինելու դաշտում են: Հատկապես փոքր բիզնեսները դեռևս լավ չեն պատկերացնում մարքեթինգի կարևորությունը:
![](https://ranking.am/wp-content/uploads/2023/05/Screenshot_20230519-233910_Instagram.jpg)
![](https://ranking.am/wp-content/uploads/2023/05/FB_IMG_1684524977482.jpg)
Ի՞նչով եք այս պահին զբաղված։
Այս պահին ղեկավարում եմ իմ մարքեթինգային ընկերությունը՝ Էմոտիվը, որը շուրջ 20 գործընկեր ունի արդեն:
Ձեզ համար ոգեշնչման աղբյուրը ո՞վ կամ ի՞նչը կարող է լինել:
Ուժեղ, կայացած, անընդհատ սովորող կանայք:
Առաջիկայի համար ի՞նչ ծրագրեր ունեք։
Նախատեսում եմ զարգացնել բլոգը, ընդլայնել բիզնեսը և մշակել նոր դասընթաց:
Հարցազրուցավար՝ Մարիամ Ավետիսյան
Նկարները վերցված են Շողիկ Վարդանյանի սոցիալական ցանցերից